WOLFFENBUTTELUM

WOLFFENBUTTELUM

seu Guelferbytum, arx in Ducatu Brunsvicensi munitissima, Ducum sedes. A Pappenhemio bellô Germanicô expugnata, postea recepta est. Rami, qui cum Calenbergio Guelferbytanum principatum tenuit, sator Heuricus fuit, filius Magni Ducis Brunsvicensis, A. C. 1373. demortui. Pater is fuit Wilhelmi, avus Wilhelmi, cuius filius Henricus Semor vel malus dictus Guelferbytanam lineam, et Ericus Goetingensem seu Calebergicam orsus est: sed hôc A. C. 1584. sine legitima prole defunctô, Iulius agnatus hereditatem crevit: verum et huius posteritate, in Friderico Ulrico, Brunsvicensis lineae ultimo, hôc saeculô exstinctâ, successit Augustus e familia Luneburgica, Henrici Dannebergicum Principatum nacti, in divisione, filius. Huius linea, pace Monasterienfi, si Cellensis, cui Wilhelmus, praefati Henrici frater, auctor, deficiat, ad alternationem Episcopatus Osnabrugensis vocatur. Sustulit e Dorothea Anhaltina Augustus Rudolfum Augnstum, e Christina Elisabetha Barbiensi Antonium Ulricum, e Sophia tandem Elisabetha Megapolitana Ferdinandum Alberum. Princeps aetate sipra omnes sui remporis, pietate, iustitiâ, literis inclitus: quod Bibliotheca Guelferbytana, opus eius, abunde testatur. Phil. Iac. Spenetus. Syll. Geneal. Hist. Vide etiam Guelferbytum.